Увага!!! Невялікія апавяданні і вершы пададзены ў поўным варыянце.

Артыкул

   Артыкул — жанр навуковай або публіцыстычнай літаратуры, твор, у якім ставіцца і вырашаецца пэўная навуковая, грамадская або іншая жыццёвая праблема ці пытанне.
   У літаратурна-крытычных артыкулах звычайна аналізуецца творчасць ці асобныя творы пісьменнікаў, розныя з’явы літаратурнага жыцця.
   Да жанру артыкула часта звярталіся многія беларускія пісьменнікі і крытыкі. Шырока вядомыя артыкулы Янкі Купалы («Чаму плача песня наша?»), Максіма Багдановіча («Глыбы і слаі», «Краса і сіла»). Шмат артыкулаў, прысвечаных разгляду літаратурнай творчасці і іншым грамадскім пытанням, напісалі Якуб Колас, Кузьма Чорны, Іван Мележ, Іван Шамякін, Янка Брыль, Іван Навуменка, Алесь Адамовіч.

Крыніцы артыкулаў:

Рагойша В. П. Літаратуразнаўчы слоўнік: тэрміны i паняцці: для школьнікаў i абітурыентаў – Мінск: Народная асвета, 2009. – 303 с.
Рагойша В. П. Паэтычны слоўнік. – 3-е выд. – Мінск: Беларуская навука, 2004. – 576 с.
Слоўнік лінгвастылістычных і тэксталагічных тэрмінаў. Складальнікі: Абабурка М. В., Казімірская Т. А, Саўчанка В. М. – Магілёў: УА «МДУ імя А. А. Куляшова», 2012. – 284 с.

Тэорыя літаратуры: дапаможнік для студэнтаў філалагічных спецыяльнасцей ВНУ / В.І. Яцухна; Міністэрства адукацыі Рэспублікі Беларусь, Гомельскі дзяржаўны універсітэт імя Ф. Скарыны. – Гомель: ГДУ імя Ф. Скарыны», 2006. – 279 с.