Увага!!! Невялікія апавяданні і вершы пададзены ў поўным варыянце.

Эпілог

   Эпілог (ад грэч. ері — пасля i logos — слова, літаральна «пасляслоўе») — частка мастацкага твора (рамана, аповесці, паэмы), якая ідзе пасля заканчэння дзеяння (пасля развязкі).
   У эпілогу пісьменнік паведамляе аб далейшым лёсе герояў, аб тым, як склалася іх жыццё праз некалькі гадоў пасля падзей, адлюстраваных у творы. Эпілог можа дапаўняць і ўдакладняць характарыстыку вобразаў, паглыбляць і пашыраць яе.
   Эпілог знаходзім у раманах Кузьмы Чорнага «Трэцяе пакаленне», «Бацькаўшчына»; у аповесці Якуба Коласа «Дрыгва»; у паэмах Аркадзя Куляшова «Сцяг брыгады», «Далёка да акіяна»; Максіма Танка «Нарач», «Янук Сяліба» і інш. Так, у эпілогу да паэмы «Сцяг брыгады» Аркадзь Куляшоў паведамляе:

Больш чым год мінуў з тае даты,—
I са сцягам былым да сяла,
Франтавыя прысады Абудзіўшы,
Брыгада ішла.
Шчокі вецер снежаньскі ліжа.
Заінелі вушанкі,
Маскхалаты, і лыжы,
I санкі, і танкі.
Іх палкоўнік Зарудны вёў —
Камандзір брыгады...

Крыніцы артыкулаў:

Рагойша В. П. Літаратуразнаўчы слоўнік: тэрміны i паняцці: для школьнікаў i абітурыентаў – Мінск: Народная асвета, 2009. – 303 с.
Рагойша В. П. Паэтычны слоўнік. – 3-е выд. – Мінск: Беларуская навука, 2004. – 576 с.
Слоўнік лінгвастылістычных і тэксталагічных тэрмінаў. Складальнікі: Абабурка М. В., Казімірская Т. А, Саўчанка В. М. – Магілёў: УА «МДУ імя А. А. Куляшова», 2012. – 284 с.

Тэорыя літаратуры: дапаможнік для студэнтаў філалагічных спецыяльнасцей ВНУ / В.І. Яцухна; Міністэрства адукацыі Рэспублікі Беларусь, Гомельскі дзяржаўны універсітэт імя Ф. Скарыны. – Гомель: ГДУ імя Ф. Скарыны», 2006. – 279 с.