Калыханка — адзін з жанраў дзіцячай літаратуры; простая паводле зместу і выяўленчых сродкаў пяшчотная песенька, пад якую маці закалыхваюць сваіх дзяцей.
Дзякуючы калыханцы дзіця хутчэй і лягчэй авалодвае роднай мовай, атрымлівае першыя ўяўленні пра навакольны свет, развівае пачуццё моўнага і музычнага рытму, знаёміцца з асновамі паэтычнай творчасці (рытм, рыфма, гукапіс).
Вось тыповы ўзор беларускай народнай калыханкі:
Люлі-люлі-люлі,
Прыляцелі гулі,
Селі на варотах
У чырвоных ботах.
Сталі сакатаці,
Нечага ж ім даці.
Вынесу ім грыкі
Поўны чаравікі,
Вынесу пшаніцы
Поўны рукавіцы,
І ячменю жменю,
І гароху троху.
Асобныя беларускія паэты (Францішак Багушэвіч, Янка Купала, Максім Танк і іншыя) выкарыстоўвалі форму народных калыханак, напаўняючы іх грамадзянскім зместам.
Похожие статьи:
Пераказы, дыктанты → Калыханка
Ніна Мацяш → Ніна Мацяш - Калыханка маме
Алесь Камароўскі → Алесь Камароўскі - Чарнобыльская калыханка
Васіль Вітка → Васіль Вітка - Калыханка
Генадзь Бураўкін → Генадзь Бураўкін - Калыханка
