Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Янка Купала - Мая вера

Не веру ідалам паганым,
Што выразаюць разьбяры,
Бажкам не веру маляваным,
Што мажуць фарбай маляры.

Не веру купленым прарокам,
Што з казальніц за грошы лгуць
І сочаць прагавітым вокам,
Скуль больш чырвонцаў ім нясуць.

Не веру ў фокуснікаў цуды
Усіх народаў і вякоў,
Што ў ход пускаюць хітра ўсюды
Туман на цёмных слепакоў.

Не веру ў каменны багоўні,
Ў людской асвенчаны крыві,
Дзе толькі вяжуць, бы ў прыгоне,
Жывому духу ланцугі.

Ні за якую плату, меру
Не дамся гэтай варажбе...
Ў народ і край свой толькі веру
І веру ў самаго сябе.

1918


   1. Кампазіцыйная будова верша адметная выкарыстаннем анафар «не веру...». Чатыры першыя страфы пачынаюцца аднолькава з адмоўнага выразу і ўяўляюць сабой пералік самых розных недабразычліўцаў народа, якім нельга даваць веры:
Не веру ідалам паганым...
Не веру купленым прарокам...
Не веру ў фокуснікаў цуды...
Не веру ў каменны багоўні...

   2. Вобразы-сімвалы хлусні, ашуканства – ідалы паганыя, бажкі маляваныя, купленыя прарокі, каменныя багоўні і г. д.
   3. Упершыню гэты верш быў надрукаваны ў зборніку «Зажынкі» ў 1918 годзе. Рэвалюцыйныя падзеі вызначылі змест верша. Паэт верыць у свой народ, у ягоную будучыню.

Похожие статьи:

Янка КупалаТэма паэта і паэзіі ў творчасці Янкі Купалы. Дэмакратызм і народнасць яго творчасці

Янка КупалаПошукі героямі шляхоў да шчаслівага жыцця ў драме Янкі Купалы "Раскіданае гняздо". Сэнс назвы твора

Янка КупалаТэма народнага жыцця і любоў да Радзімы ў творчасці Янкі Купалы

Янка КупалаЯнка Купала - Пясняр беларускага народа

Янка КупалаДраматургічнае майстэрства Янкі Купалы