Валодзя з Верачкай выйшлі ў сад, сталі на лыжы. Снег блішчэў, як крышталікі солі. На ніжнім суку сасны, якая расла за агароджай, сядзела вавёрка, цікаўна назіраючы за дзецьмі. Верачка скінула лыжы з ног, забегла ў хату, схапіла цукерку, дастала яе з блішчастай паперкі. Дзеці чакалі, калі вавёрка схопіць тую цукерку. І звярок схапіў яе перад самай дзюбай сарокі, што кінулася з даху.
Цераз брамку дзеці скіраваліся да рачулкі. Вясной ручай булькатаў на ўсю сілу. Берагі яго пахлі сокамі зямлі, маладой травою і чаромхай. Летась Валодзя і Верачка прыходзілі сюды, каб убачыць салаўя. Дзеці сядзелі пад елкай, сцішана ўглядаючыся ў хмызняк, і на галінцы ўбачылі невялікую шэрую птушачку. Яны не паверылі тады, што гэта і ёсць салавей. Птушка раскрыла дзюбку – звонкія гукі разанулі цішыню. Салавей спяваў доўга, узнёсла, славячы вячэрнюю зару, вясну, дождж, аддаючы ўсяго сябе гэтаму спеву.
Похожие статьи:
Максім Танк → Творы Максіма Танка для дзяцей
Эдзі Агняцвет → Эдзі Агняцвет - Беражы зямлю і неба!
Пераказы, дыктанты → Слухайце адзін аднаго!
Артур Вольскі → Артур Вольскі - Дзеці
Пімен Панчанка → Пімен Панчанка - Дзеці вайны
