Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Артур Вольскі - Дзеці

Розныя дзеці
Жывуць на планеце –
Белыя, жоўтыя,
Чорныя дзеці.
Розныя дзеці –
Аднолькавы смех.
Смех у хвіліны
Забаў і пацех.
Розныя дзеці –
I розныя вочы.
Вочы – як неба.
Вочы – як ночы.
Вочы, што мора
Ўвабралі глыбіні,
Вочы – пад колер
Бязводнай пустыні.
Розныя вочы –
Адзіныя слёзы.
Слёзы – ў хвіліны
Бяды ці пагрозы.
Вось бы зрабіць,
Каб у розных дзяцей
Радасць гасціла
Даўжэй ды часцей!
Вось бы зрабіць,
Каб на нашай планеце
Гора не ведалі
Розныя дзеці!

 

Похожие статьи:

Эдзі АгняцветЭдзі Агняцвет - Беражы зямлю і неба!

Максім ТанкТворы Максіма Танка для дзяцей

Еўдакія ЛосьЕўдакія Лось - Хударлявай дзяўчынкай бяляваю...

Пімен ПанчанкаПімен Панчанка - Дзеці вайны

Пераказы, дыктантыСлухайце адзін аднаго!