Раз, два,
тры, чатыры.
Коцю грамаце вучылі.
Ды вурчыць ён
сам сабе:
– Што мне А
і што мне Бэ?
З іх я нават не пад'ем.
Бо ўсё смачнае –
на эМ.
Малако з яго і Мяса,
да якіх я дужа ласы.
І смятаны
ў нас не стане,
калі эМ няма ў сМятане...
– Ціха, коцю!
Не шумі ж!
Чуеш?
Шкрабаецца мыш...
– Мыш?!
Яна
таксама з эМ.
Ухаплю яе
ды з'ем!..
Шусь – да норкі.
Не спаймаў.
– Мур-мур-мур!..
– Мяў-мяў-мяў!..
Похожие статьи:
Артур Вольскі → Артур Вольскі - Вожык-дзівачок
Артур Вольскі → Артур Вольскі - Пагоня
Биографии → Артур Вольскі
Биографии → Віталь Вольскі
Віталь Вольскі → Віталь Вольскі - Несцерка
