Суніц у зялёнай
Дуброве нямала.
Там з мамаю Тоня
Суніцы збірала.
Дала мама Тоні
Маленькі збаночак.
Ды Тоня ў збаночак
Суніц браць не хоча.
– Ой, мама, пакіньма
Суніц хаця крышку
Вавёрцы, зязюльцы,
Камарыкам, мышкам;
А мо і мядзведзіха
З дзецьмі таксама
Захоча суніцаў,
Як Тонечка з мамай.
Дык чым жа сунічнік
Гасцей пачастуе,
Калі ўсе суніцы
Ў збаночак збяру я?!
Похожие статьи:
Аляксей Якімовіч → Аляксей Якімовіч - Падзяка
Сяргей Грахоўскі → Сяргей Грахоўскі - Сунічкі
Казімір Камейша → Казімір Камейша - Суніцы
Пераказы, дыктанты → Суніцы (Паводле М. Слівы)
Уладзімір Ягоўдзік → Уладзімір Ягоўдзік - Суніцы