Казімір Камейша - Суніцы

Пайшоў я сцяжынкай,
І тут нечакана
Яна прывяла
Да чырвонай паляны.

Агеньчыкаў столькі
Не бачыў ніколі.
Напэўна, тут хтосьці
Рассыпаў вуголле.
Пад кожным лісточкам
Па вугалёчку.

І тут адгадаў я:
Паспелі суніцы!
Паляна у чырвані, уся
Чырваніцца.

Ды як жа суніцы?
Ну дзе тут суніцы?
Вы гляньце на колер:
Яны ж – чырваніцы!

Похожие статьи:

Аляксей Якімовіч → Аляксей Якімовіч - Падзяка

Уладзімір Ягоўдзік → Уладзімір Ягоўдзік - Суніцы

Пераказы, дыктанты → Суніцы

Пераказы, дыктанты → Суніцы паспелі

Сяргей Грахоўскі → Сяргей Грахоўскі - Сунічкі