Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Філарэты

   Філарэты (ад грэч. philaretos – сябры дабрачыннасці) – тайнае студэнцкае таварыства ў Віленскім універсітэце ў 1820-1823 гг., якое было створана ў складзе філаматаў.
   Старшынёй таварыства быў Тамаш Зан. Літаратурным гуртком філарэтаў кіраваў Ян Чачот. Сярод ўдзельнікаў таварыства былі: Адам Міцкевіч, Аляксандар Ходзька, Ігнат Дамейка, Ануфры Петрашкевіч.
   Студэнты пачалі распрацоўваць палітычную праграму, асноўнай мэтай якой былі патрабаванні нацыянальнай незалежнасці і адмена прыгоннага права. Сярод студэнтаў распаўсюджваліся антыфеадальныя, антысамадзяржаўныя і патрыятычныя ідэі. У статуце філарэтаў «Пятнаццаць правіл паводзін для моладзі, якая належыць Таварыству сяброў палезнай забавы», былі сфармуляваны іх мэты: раскрыццё сапраўднага прадвызначэння навуковай дзейнасці; барацьба з застарэлымі поглядамі ў розных слаях грамадства; фарміраванне школы паўнацэннага духоўнага выхавання моладзі. У 1823 г. дзейнасць філарэтаў была раскрыта афіцыйнымі ўладамі, яго члены былі арыштаваны.

Похожие статьи:

Іншае → Філаматы і філарэты

Крыніцы артыкулаў:

Рагойша В. П. Літаратуразнаўчы слоўнік: тэрміны i паняцці: для школьнікаў i абітурыентаў – Мінск: Народная асвета, 2009. – 303 с.
Рагойша В. П. Паэтычны слоўнік. – 3-е выд. – Мінск: Беларуская навука, 2004. – 576 с.
Слоўнік лінгвастылістычных і тэксталагічных тэрмінаў. Складальнікі: Абабурка М. В., Казімірская Т. А, Саўчанка В. М. – Магілёў: УА «МДУ імя А. А. Куляшова», 2012. – 284 с.

Тэорыя літаратуры: дапаможнік для студэнтаў філалагічных спецыяльнасцей ВНУ / В.І. Яцухна; Міністэрства адукацыі Рэспублікі Беларусь, Гомельскі дзяржаўны універсітэт імя Ф. Скарыны. – Гомель: ГДУ імя Ф. Скарыны», 2006. – 279 с.