Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Якуб Колас і прырода

   Якуб Колас вельмі любіў прыроду. Ён глядзеў на прыродныя з’явы не толькі як мастак, які тонка адчуваў прыроду і мог перадаць усю яе прыгажосць, яе паэзію, усе адценні яе хараства ў сваім трапным слове. Ён глядзеў на ўсе з’явы прыроды і вокам селяніна, які лічыць зямлю сродкам існавання, які цэніць тое, што так ці інакш спрыяе добраму ўраджаю, а гэтым самым і дабрабыту людзей, іх шчасцю і радасці.
   Па колеры неба ў час захаду сонца, па руху і форме аблачынак, па шолаху лісця ў лесе, па паводзінах жывёлы, якая вечарам ідзе з поля, па птушыным гомане, па асаблівасцях азёрнай хвалі, па водары асобных кветак, які то слабее, то мацнее, – па ўсіх гэтых шматлікіх, незаўважных для звычайнага вока народных прыкметах Колас мог вызначыць, якое будзе надвор’е. Ён любіў упрыгожваць зямлю.
(133 словы)

Паводле М. Лынькова.

Похожие статьи:

ПераказыНаш дом

ПераказыЗімовы начлег

ПераказыЧалавек і прырода

ПераказыБеражыце прыроду

ПераказыКрыштальны звон бяроз