Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Жаданыя госці

   Ранак прынёс доўгачаканую навіну: прыляцелі жаданыя госці! Яшчэ не ўбачыўшы, пачуў іх урачысты ўскрык. Мабыць, ніхто з птушак, сустрэўшыся адна з адной, гэтак радасна не вітаецца, як яны.
   Доўга я чакаў іх прылёту. Нешта ўсё рупіла майму спакою: чаму сёлета іх так позна няма? Спазніліся яны на добрыя два тыдні. Значыць, не было ў іх упэўненасці, што ў нашай старане цёпла. Хаця цвітуць ужо вішні, грушы. Нясмела спрабуюць раскрыць свае ружова-белыя пялёсткі яблыні, а жаданых гасцей з выраю ўсё няма. Сапраўдную ж вясну прыносяць ластаўкі. На абсягу прасторнага неба лаўлю знаёмыя маршруты і звыклыя трасы ранніх варон, галак, шпакоў, што спяшаюцца на сняданак. Раз-пораз кідаюцца з дахаў і надаконных казыркоў на зямлю галубы. Задзірыста і настырна ўвіхаюцца ў сваім клопаце вераб’і. А дзе ж мае доўгачаканыя госці?
   Я іх яшчэ не бачу, але ўжо ведаю: яны ёсць, прыляцелі. Радасны вокліч іх прывітання ўрачыста гучыць у паднябессі. Ластаўкі прыляцелі!
(151 слова)

Паводле В. Віткі.