Зіма ў разгары. Сцюжа. Іней.
І вецер з поўначы прыбег.
На дрэвах – бэзавы, і сіні,
і белы, і ружовы снег.
У футра цёплае адзета
ў садзе яблыня стаіць.
Яна стамілася за лета,
напрацавалася і спіць.
Не чуе песенькі сініцы,
не чуе гоману вятроў.
Ёй сёння спелы жнівень сніцца,
яго гарачая любоў.
Ёй сніцца яркі дзень высокі,
паветра жнівеньскага пах –
сваіх дзяцей чырванашчокіх
яна трымае на руках.
Похожие статьи:
Пераказы, дыктанты → Яблынька-дзічка
Пераказы, дыктанты → Лясная карміцелька
Анатоль Вярцінскі → Анатоль Вярцінскі - Яблыня ў горадзе
Пераказы, дыктанты → Саджанцы
Пятрусь Макаль → Пятрусь Макаль - Яблыня
