Жоўты лісцік тапаліны
Ціха падае з галіны;
I лісты, лісты наўкол
Апускаюцца на дол.
Высцілае лістапад
Сцежку ў наш дзіцячы сад.
Спрытна ходзяць ножкі
Сонечнай дарожкай.
Кожнай раніцай з ахвотай
Мы прыходзім на работу.
Ляльку трэба расчасаць
I кружочкі напісаць,
Збудаваць пясчаны дом,
З’есці кашу з малаком
I кату пачысціць боты.
Ой, як шмат у нас работы!
Похожие статьи:
Максім Танк → Творы Максіма Танка для дзяцей
Пімен Панчанка → Пімен Панчанка - Дзеці вайны
Эдзі Агняцвет → Эдзі Агняцвет - Беражы зямлю і неба!
Артур Вольскі → Артур Вольскі - Дзеці
Пераказы → Слухайце адзін аднаго!