Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Сяргей Грахоўскі - Захварэла ласяня

Захварэла ласяня.
З лесу збеглася радня:
Тата, мама, бабка, дзед.
Брат, сястрычка і сусед.

Плача, енчыць ласяня:
– Мне не вытрымаць да дня:
Коле, торгае, скубе
За вушамі і на лбе,

З боку ў бок мяне вядзе,
Галава, як звон гудзе,
Жар абсыпаў галаву...
Не, да дня не дажыву.

Плача мама, плача татка,
Што загіне ласянятка.
Плачуць брат, сястра, сусед,
Але ўсіх суцешыў дзед:

– Пацярпі, дзіцятка, трошкі –
Бо прарэзваюцца рожкі.

 

Похожие статьи:

ПераказыМомант ляснога жыцця

ПераказыНа Ласіным возеры

ПераказыАлёшка

БиографииСяргей Грахоўскі

ПераказыУдзячная ласіха і дзіўнае ласяня