Пятрусь Макаль - Яблыня

Пасадзіў калісьці на світанку
Яблыньку малую каля ганку.
– Хай расце.
 
Працаваць мне хмара памагала –
Клапатліва глебу палівала.
– Хай расце.
 
Я і сонца ў зімнюю часінку
Сагравалі кволую сцяблінку.
– Хай расце.
 
Хутка я з кватэры пераеду.
А ўраджай знімаць майму суседу.
– Хай расце.
 
Пэўна, недзе ля другога дому
Садзіць дрэўца друг мой незнаёмы...
– Хай расце.

Похожие статьи:

Пераказы → Лясная карміцелька

Анатоль Вярцінскі → Анатоль Вярцінскі - Яблыня ў горадзе

Пераказы → Яблынька-дзічка

Пятрусь Макаль → Творчасць Петруся Макаля

Пераказы → Саджанцы