Пасадзіў калісьці на світанку
Яблыньку малую каля ганку.
– Хай расце.
Працаваць мне хмара памагала –
Клапатліва глебу палівала.
– Хай расце.
Я і сонца ў зімнюю часінку
Сагравалі кволую сцяблінку.
– Хай расце.
Хутка я з кватэры пераеду.
А ўраджай знімаць майму суседу.
– Хай расце.
Пэўна, недзе ля другога дому
Садзіць дрэўца друг мой незнаёмы...
– Хай расце.
Похожие статьи:
Анатоль Вярцінскі → Анатоль Вярцінскі - Яблыня ў горадзе
Эдзі Агняцвет → Эдзі Агняцвет - Яблыня
Пераказы, дыктанты → Лясная карміцелька
Пераказы, дыктанты → Саджанцы
Пераказы, дыктанты → Яблынька-дзічка