Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Максім Танк - Два арлы

Зацягнула далі
Дыму чорным крэпам,
Два арлы арлуюць
Над шырокім стэпам.

Першы арол чорны.
Чорны – смерць салдата,
Што ляжыць, паранен,
На траве прымятай.

А другі – ўвесь белы,
Белы, яснакрылы –
Вернае каханне
Заручонай, мілай.

Цішыня. І травы
Нат не шалахнуцца.
Толькі чуць, як птахі
За салдата б’юцца.

А ён сам – без сілы
І прыўстаць не можа,
Глядзіць толькі ў неба:
Хто там пераможа?

1961

 

Похожие статьи:

Максім ТанкЖыццё і творчасць Максіма Танка

Максім ТанкДавераснёўская творчасць Максіма Танка

БиографииМаксім Танк

Максім ТанкМаксім Танк - Люцыян Таполя. Ідэйны змест

Максім ТанкПасляваенная лірыка Максіма Танка