Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Артур Вольскі - Козачка

Выйшлі дзеці на лужок,
на зялёны муражок.
На лужок
на муражок
і пасталі
у кружок.

– Пачакайце трошачку,
мы станцуем
«Козачку»!..

А козачкі белыя
па мураўцы бегалі.
Па мураўцы –
скок ды скок,
патапталі
ўвесь лужок.

Казляняты выбеглі:
– Што ж вы траўку выбілі?!
Ножкамі  
затупалі,
рожкамі
застукалі.

Тут пастушка
выйшла ў круг:  
– Не тапчыце, козкі, луг!
Рожкамі
не стукайце,
ножкамі
не тупайце!

А вясёлы пастушок
задудзеў тады ў ражок:
– Ду-ду-ду!
Ды ду-ду-ду!
З вамі ў скокі я пайду!

Ах, як добра на лужку,
на зялёным муражку!
Мы б скакалі зноў і зноў,
але нам пара дамоў!

 

Похожие статьи:

Станіслаў ШушкевічСтаніслаў Шушкевіч - Козачка-свавольніца

Віталь ВольскіВіталь Вольскі - Несцерка

БиографииАртур Вольскі

БиографииВіталь Вольскі

Артур ВольскіАртур Вольскі - Пагоня