Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Алесь Разанаў - Спадчына

   Калі яна цяжар – тады яна крылы,
   калі яна вярэдзіць – тады яна гоіць,
   калі яна знясільвае – тады дае сілу...
 
   – Аднак з гэтаю ношкаю ты не здолееш уступіць на неба, – перасцерагае мяне першы анёл.
   – А без яе зноў упадзеш у мінулае, – перасцерагае другі.
 
   Я іх абодвух разумею.
   Пісягі і апёкі на маім целе.
   Віхуры клічуць мяне падужацца.
   Зямля – частка мяне.
   I агністыя мечы анёлаў пільна ўзіраюцца ў маю душу.


Крыніца: Разанаў А. Вастрыё стралы: Версэты, паэтычныя мініяцюры. – Мн.: Маст. літ., 1988. – 159 с.

Похожие статьи:

Янка КупалаЯнка Купала - Спадчына

Алесь РазанаўАлесь Разанаў - Вецер

ПераказыСпадчына

ПераказыСпадчына

Алесь РазанаўТворчасць Алеся Разанава