Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Як па жыцці, так і ў музеі

   Быў час, калі кожнага адзіночнага наведвальніка Літаратурнага музея Янкі Купалы мы, навукоўцы, суправаджалі. Не ўсякі чалавек любіць такое апякунства. Яму хочацца пабыць адзін на адзін з вялікім паэтам, падумаць, паразважаць. Мы стараліся захоўваць тактоўнасць, не парушаць самастойнасці наведвальнікаў.
   Паважлівы, акуратна апрануты мужчына. Доўга аглядае экспанаты і ўголас захапляецца:
   – А добры Купала быў мастак!
   – Не толькі добры, а выдатны мастак! – уключаюся я ў яго маналог.
   Той, не зважаючы на падмогу:
   – Сапраўдны мастак! Гэтак намаляваць! – дзівіцца і замілавана глядзіць на партрэт народнага паэта работы Ахрэмчыка.
   Адчуваю, з кім клопат маю. Каб не крыўдзіць аглядальніка, паціхеньку адыходжу. І толькі пры выхадзе яго з музея тлумачу, што гэты святы куток прысвечаны жыццю і творчасці Янкі Купалы, тут экспануюцца рукапісы, кнігі, асабістыя рэчы песняра, а таксама работы мастакоў, яму прысвечаныя.
   Чалавеку, бачыце, падалося, што калі музей Купалы, то ўсё тут ягонае, асабістае. Зробленае ці набытае ім самім.
(142 словы)

Паводле К. Курбекі

 

Похожие статьи:

Пераказы, дыктантыМузей Якуба Коласа

Пераказы, дыктантыМузей векапомнай славы

Пераказы, дыктантыМузей

Пераказы, дыктантыПраўда-памяць

Пераказы, дыктантыЛітаратурны музей Максіма Багдановіча