Буслоў мы ўбачылі ранкам. Яны ўзляталі да шэрых воблакаў. У паднябессі буслы гуртаваліся ў чародкі.
Непадалёку мы заўважылі адзінокага бусла. Ён узмахваў крылом, спрабуючы ўзляцець. Другое крыло бяссільна вісела.
Упэўніўшыся, што ўзляцець не ўдасца, птушка знерухомела. У яе клёкаце чулася роспач. Здавалася, што яна плача.
– Трэба яго злавіць, – сказаў Жэнька, – бо іначай замерзне.
Не чакаючы майго адказу, Жэнька падаўся на поплаў. Раптам я ўбачыў, як Жэнька паслізнуўся і ўпаў. Бусел, які да гэтага стаяў нерухома, хутка пайшоў насустрач. Здавалася, што ён спяшаецца на дапамогу чалавеку.
Назад чалавек і бусел ішлі разам.
(95 слоў)
(Паводле У. Аляхновіча)
Похожие статьи:
Кастусь Жук → Кастусь Жук - Ён не госць у Беларусі
Авяр’ян Дзеружынскі → Авяр’ян Дзеружынскі - Бусел і хлопчык
Уладзімір Ягоўдзік → Уладзімір Ягоўдзік - Бусел
Пераказы, дыктанты → Сцёпкавы буслы
Уладзіслаў Сыракомля → Уладзіслаў Сыракомля - Бусел
