Увага!!! Невялікія апавяданні і вершы пададзены ў поўным варыянце.

Перыпетыя

Перыпетыя (ад грэч. peripetia — раптоўны паварот) — ускладненне ў развіцці сюжэта, нечаканы паварот у разгортванні дзеяння.
Перыпетыя можа ўзмацняць драматызм дзеяння, абвастраць трагічную або камедыйную сітуацыю, наблізіць развязку. Для прыкладу, у камедыі Кандрата Крапівы «Хто смяецца апошнім» такіх момантаў, якія ўплываюць на рух сюжэта, некалькі. Гэта эпізод са знойдзенай на сметніку свіной косткай, якую Гарлахвацкі дэманструе вучоным як рэшткі дагістарычнай жывёлы, паводзіны Тулягі, калі ён вырашае напісаць для Гарлахвацкага даклад, які выявіць яго як невука і прайдзісвета, і г. д.

Крыніцы артыкулаў:

Рагойша В. П. Літаратуразнаўчы слоўнік: тэрміны i паняцці: для школьнікаў i абітурыентаў – Мінск: Народная асвета, 2009. – 303 с.
Рагойша В. П. Паэтычны слоўнік. – 3-е выд. – Мінск: Беларуская навука, 2004. – 576 с.
Слоўнік лінгвастылістычных і тэксталагічных тэрмінаў. Складальнікі: Абабурка М. В., Казімірская Т. А, Саўчанка В. М. – Магілёў: УА «МДУ імя А. А. Куляшова», 2012. – 284 с.

Тэорыя літаратуры: дапаможнік для студэнтаў філалагічных спецыяльнасцей ВНУ / В.І. Яцухна; Міністэрства адукацыі Рэспублікі Беларусь, Гомельскі дзяржаўны універсітэт імя Ф. Скарыны. – Гомель: ГДУ імя Ф. Скарыны», 2006. – 279 с.