Увага!!! Невялікія апавяданні і вершы пададзены ў поўным варыянце.

Абстракцыянізм

Абстракцыянізм (ад лац. abstrahere — аддаляць) — адна з плыней мадэрнізму, якая праявілася галоўным чынам у выяўленчым мастацтве — жывапісе, графіцы, скульптуры. Заснаваны на ідэалістычным светапоглядзе і светаўспрыманні, якія адмаўляюць магчымасць пазнання аб’ектыўнага свету, проціпастаўлены рэалістычнаму паказу жыцця ў мастацтве.
У мастацкай літаратуры абстракцыянізм праяўляецца ў п’есах тэатра абсурду, дзеянне і вобразы якіх цалкам пазбаўлены гістарычных, сацыяльных і нацыянальных адзнак, нярэдка і элементарнага жыццёвага сэнсу. У прозе і паэзіі — у творах з зашыфраваным, незразумелым для чытача зместам, з фармалістычнымі выкрутасамі, без знакаў прыпынку.

Крыніцы артыкулаў:

Рагойша В. П. Літаратуразнаўчы слоўнік: тэрміны i паняцці: для школьнікаў i абітурыентаў – Мінск: Народная асвета, 2009. – 303 с.
Рагойша В. П. Паэтычны слоўнік. – 3-е выд. – Мінск: Беларуская навука, 2004. – 576 с.
Слоўнік лінгвастылістычных і тэксталагічных тэрмінаў. Складальнікі: Абабурка М. В., Казімірская Т. А, Саўчанка В. М. – Магілёў: УА «МДУ імя А. А. Куляшова», 2012. – 284 с.

Тэорыя літаратуры: дапаможнік для студэнтаў філалагічных спецыяльнасцей ВНУ / В.І. Яцухна; Міністэрства адукацыі Рэспублікі Беларусь, Гомельскі дзяржаўны універсітэт імя Ф. Скарыны. – Гомель: ГДУ імя Ф. Скарыны», 2006. – 279 с.