Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Чорнае золата

   Шмат карысных выкапняў у нетрах зямлі. Але ніводнаму не надаецца столькі ўвагі, колькі нафце. Усюды без яе нельга абысціся. Калі б знікла нафта, спыніліся б аўтамабілі і цеплавозы, не змаглі б працаваць электрастанцыі, фабрыкі, заводы. З нафты здабываюць бензін, робяць каўчук, пластмасу, пральны парашок, фарбы, тканіну, лякарствы, парфуму і шмат чаго іншага.
   У нетрах беларускай зямлі прамысловая нафта была знойдзена каля горада Рэчыцы.
   Як утварылася нафта на Палессі?
   Мільёны гадоў таму назад Палеесе было дном неглыбокага мора, багатым на малюсенькія жывёлы і расліны. Яны вельмі хутка размнажаліся, але век мелі кароткі. Паміраючы, жывёлы і расліны ападалі на дно. Іх заносіла глеем. Так на працягу многіх мільёнаў гадоў. Астанкі маленькіх істот ператварыліся ў нафту.
   Цяпер у нетрах Беларусі знойдзена шмат карысных выкапняў, але геолагі не спыняюць актыўных пошукаў.
(129 слоў)

Паводле В. Раманенкі.