Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Усяслаў Чарадзей

   Шлях нашага народа пазначаны не толькі славутымі падзеямі, але і славутымі асобамі, якія ў тым ці іншым перыядзе гісторыі станавіліся яго сімваламі. Адным з такіх сімвалаў, чалавекам-паданнем стаў Усяслаў Чарадзей.
   Усяслаў быў адным з першых князёў, пры якім Полацкая зямля заявіла пра сябе як самастойная дзяржава. Ён адчуваў перспектыўнасць і гістарычную неабходнасць малых незалежных дзяржаў. Пры Усяславе высокага росквіту дасягнулі мастацтва, адукацыя, дойлідства. Хрысціянская вера пачала паступова ўваходзіць у побыт народа. Пашыраліся гарады, рамёствы, гандаль. Усяслаў умацоўваў межы свайго княства-дзяржавы, але не забываўся пра надзённыя патрэбы розных народаў, якія насялялі гэту дзяржаву, – крывічоў, дрыгавічоў, балтаў. Пра полацкага князя хадзілі легенды, паданні, быліны, пісаў аб ім і аўтар «Слова пра паход Ігараў».
   Зразумела, не ўсё ў жыцці Усяслава было бездакорным, бо жыў ён у супярэчлівы і гераічны час. Але ніколі Усяслаў не здраджваў сваёй Радзіме – Полацкай зямлі, да яе вяртаўся з самых далёкіх вандровак і паходаў.
(145 слоў)

Паводле К. Тарасава

 

Похожие статьи:

Вацлаў ЛастоўскіВацлаў Ластоўскі - Усяслаў

Пераказы, дыктантыПолацкае княства

Ларыса ГеніюшЛарыса Геніюш - Князь Усяслаў Чарадзей

Эдуард ВаласевічЭдуард Валасевіч - Дняпроўскі чарадзей