Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Славянскі базар у Віцебску

   Міжнародны фестываль мастацтваў «Славянскі базар у Віцебску» пачаў сваю гісторыю 18 ліпеня 1992 года. Яго стваральнікамі былі тры дзяржавы: Беларусь, Расія і Украіна. У самым пачатку фестываль быў сціплай «сустрэчай сяброў» з трох славянскіх народаў. Яго арганізатары імкнуліся пазнаёміць віцебскага гледача з песеннай творчасцю славянскіх краін. Але цікавасць да гэтага культурнага мерапрыемства была надзвычай вялікай, і фестываль стаў штогадовым.
   У 1993 годзе на флагштоку «Славянскага базару» ўпершыню з’явіліся сцягі Славакіі, Кыргызстана, Літвы, Турцыі, Балгарыі, Югаславіі. З 1995 года «Славянскі базар» стаў называцца Міжнародным фестывалем мастацтваў. За два дзесяцігоддзі ў ім прынялі ўдзел прадстаўнікі амаль сямідзесяці краін.
   Сама назва фестывалю надзвычай красамоўная. Яна сведчыць пра адметнасць культуры славянскіх народаў, нагадвае пра шчырую і добразычлівую атмасферу нашых старадаўніх кірмашоў.
   Дзякуючы фестывалю «Славянскі базар у Віцебску» Беларусь сёння з’яўляецца важным культурным цэнтрам славянскага свету.
(135 слоў)

(Паводле інтэрнэт-рэсурсаў)

 

Похожие статьи:

Пераказы, дыктантыВіцебская зямля

Уладзімір КараткевічУладзімір Караткевіч - Званы Віцебска

Пераказы, дыктантыДухоўная Віцебшчына

Пераказы, дыктантыВіцебск – горад майстроў

Пераказы, дыктантыГорад майстроў і воінаў