Бабуля была занята дзецьмі, якія гулялі непадалёку. А гульня ў іх была нейкая дзіўная. Яны рвалі жоўценькія галоўкі дзьмухаўцоў і кідалі адзін у аднаго. Прыгожая лугавінка губляла сваё хараство. Бабуля расхвалявалася. Ёй было шкада дзьмухаўцоў і той прыгажосці, што цешыла вочы.
Бабуля зірнула на паперку, узяла яе ў рукі, і паперка сама склалася ў галубка. Бабулі нічога не заставалася, як запусціць яго у бок дзяцей. Паперка-галубок апісала шырокую дугу і плаўна прызямлілася акурат каля дзяцей. Не заўважыць галубка яны проста не маглі.
Новая цацка так зацікавіла дзяцей, што яны перасталі рваць галоўкі дзьмухаўцоў. Ім спадабалася запускаць паперку-галубка ў неба і навыперадкі даганяць яго. Паперка-галубок лятала толькі над дарожкамі, адводзячы дзяцей далей ад лугавінкі.
(113 слоў)
Паводле Л. Улашчанкі
Похожие статьи:
Максім Танк → Творы Максіма Танка для дзяцей
Пімен Панчанка → Пімен Панчанка - Дзеці вайны
Эдзі Агняцвет → Эдзі Агняцвет - Блакітна-шэры Цім
Пераказы, дыктанты → Слухайце адзін аднаго!
Эдзі Агняцвет → Эдзі Агняцвет - Беражы зямлю і неба!