Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



На паляне

   Шызы мох мерна хрумсціць пад мяккімі падэшвамі, і час ад часу хрупаюць тоўстыя сасновыя шышкі.
   Шум ходзіць па версе, а ўнізе і ў ветраны дзень цішыня. У рэдкім лесе сосны разрастаюцца букетамі. І ядловец не толькі, як кіпарыс, стройны, але яшчэ і разбукечаны.
   Я прылёг на паляне, пад сасонкай, у рэдкім, з плямамі сонца цянёчку. Ад ветрыку, што варушыцца знізу, кланяецца ружаватымі гронкамі насенне шчаўя, кланяюцца мятліца і таўкачыкі. Пад імі ціха жывуць чабор і смолкі. Ад ветру, што ходзіць угары, час ад часу шуміць панурая лістота векавых дубоў. А вышэй у нябесным блакіце, у раскошнай ляноце плывуць, як кавалачкі ваты, невялікія рэдкія аблачынкі.
   На паляне, дзе я цяпер ляжу, некалькі дзён назад, калі яна перад дажджамі была таксама сонечная, я пачуў здалёк музыку Грыга. Я пазнаў яго: гучала чароўная песня Сольвейг. І стала на душы шчасліва, невытлумачальна ясна ад таго, як добра яна, музыка, перадае нашы пачуцці, як яна неабходная і мастацтву слова.
(154 словы)

Паводле Я. Брыля

 

Похожие статьи:

Пераказы, дыктантыМузыка

Якуб КоласСлужэнне народу — асноўны абавязак мастака. Паэма «Сымон-музыка»

Пераказы, дыктантыМузыка

Пераказы, дыктантыНа паляне

Пераказы, дыктанты«Апасіяната»