Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Мядзведжая гара

   Мядзведжую гару відаць здалёк. Яна стала неад’емным атрыбутам наваколля. Мядзведжая гара заўсёды першай нагадвала пра набліжэнне навальніцы ці завеі. Калі глухі лес, што акаляў яе, нічога яшчэ не адчуваў, вяршыня гары ўзрушана пагойдвала стваламі дрэў. Калі ж раптам прагляне пасля доўгіх дажджоў сонейка, то яно весела зайграе ў кронах дрэў на самай вяршыні гары.
   З асаблівай нецярплівасцю, надзеяй даводзілася паглядаць на яе ў канцы зімы. Калі вясна затрымліваецца, у нейкі момант сонца засвеціць сярод голых вяршынь ярчэй. Па адхоне гары весела заскачуць сонечныя зайчыкі. А на вяршыні снег раптам прападзе, утварыўшы суцэльную рыжую шапку. З кожным днём краі гэтай шапкі апускаюцца ніжэй. Пад снегам ужо бягуць, пазвоньваючы, першыя ручайкі. Тады ўсяму жывому здаецца, што гэта гара прывабіла да сябе вясну, шчодра рассылае ўніз сваіх вестуноў. Хоць мясцовыя жыхары і не ведаюць, чаму завецца гара Мядзведжаю, але з павагай ставяцца да яе.
(143 словы)

Паводле В. Стомы.

Похожие статьи:

Пераказы, дыктантыНа беразе лясной крынічкі

Пераказы, дыктантыСцяжыны дзяцінства

Пераказы, дыктантыДзе сціхае плёскат крыніцы

Пераказы, дыктантыГрыбныя дажджы

Пераказы, дыктантыЛясное азярцо