Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Маленькая сімфонія

   Сонца набліжалася да небасхілу, калі хлопчык-пастушок не далічыўся авечкі ў статку. Зямля рабілася халаднейшай, празрыстая раса студзіла босыя ногі пастушка. У адчаі хлопчык сеў на траву, дастаў з-за пазухі дудачку і ўставіў у яе гарлавіну тоненькую чарацінку.
   Пастушок зайграў, і лугавая прастора запоўнілася пяшчотным, а потым яркім і светлым, крышачку напружаным гукам. Шчымлівая мелодыя кранала сэрца кожнай жывой істоты: невялічкай птушачкі, пясчаных рыбак у рэчцы, людзей у вёсцы, Да якіх далятала музыка. Авечкі акружылі хлопчыка і ўважліва слухалі. А з апошнімі промнямі сонца прыбегла на музыку і згубленая жывёлінка. Шчаслівы пастушок вярнуўся дамоў з цэлым статкам.
   А вось цудоўная дудачка пастушка прайшла праз стагоддзі, трапіла ў сімфанічны аркестр і стала вядомым музычным інструментам – габоем. Зразумела, выгляд інструмента змяніўся. Цяпер габой робяць з чорнага дрэва, а дваццаць тры дзірачкі ў корпусе заціскаюцца металічнымі клапанамі.
   Для гэтага інструмента напісана мноства твораў, якія кранаюць кожнага.
(144 словы)

Паводле В. Прохаравай.

Похожие статьи:

ПераказыСкрыпачка

ПераказыМузыка