Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Малады бусел

   Невядома, калі аблюбавалі таполю буслы, але кожны год на Звеставанне яны прылятаюць сюды. Абжываюць ахалоджанае за зіму гняздо.
   Усё лета Міхась назіраў, як буслы шчыравалі над сваім жытлом. А калі вылупіліся з яек іх дзеткі, бусліха не пакідала гнязда. Адзін бусел штодзень снаваў туды-сюды: прыносіў жабак, мышэй і гадзюк.
   Наступіў жнівень – пара падрыхтоўкі буслоў да адлёту ў вырай. Два маладыя буслы стаялі на ўскрайку гнязда, раз-пораз узмахвалі крыламі, а паляцець баяліся. Урэшце адзін з іх адважыўся. Ён праляцеў над таполяй і каменем пачаў падаць на агарод. У адно імгненне буслік стукнуўся аб зямлю. Заціх, потым устрапянуўся, узняўся і паволі пераляцеў невысокі плот.
   Непадалёку сядзела на лаўцы пажылая суседка Валянціна. Міхась падышоў да жанчыны.
   – Я ні разу не бачыла, каб ужо апераны бусел падаў з гнязда на зямлю, – сказала суседка. – Відаць, ён быў недакормлены. Гарачае было лета. Не хапіла на нашым поплаве жабак. Мне здаецца, што гэты буслік не даляціць да выраю, недзе прыб’ецца зімаваць да людзей.
   – Няхай бы. Людзі нашыя добрыя. Я нават сам узяў бы яго да сябе. Ён жа нарадзіўся на маёй серабрыстай таполі, – Міхась высока ўзняў галаву на шумлівую крону, а потым прыязна глянуў на суседку. Яна, як і Міхась, перажывала за бусліка.
   Буслы і людзі вельмі блізкія. Буслы жывуць побач, па-суседску і, як апавядаюць казкі, прыносяць шчаслівым бацькам у чырвонай дзюбе дзяцей.
(220 слоў)

Паводле Я. Хвалея

 

Похожие статьи:

Янка БрыльРаман Янкі Брыля "Птушкі і гнёзды". Вобраз Алеся Руневіча

Пераказы, дыктантыПтушкі шчасця

Янка БрыльУвесь свет — адзін дом (па раману Янкі Брыля "Птушкі i гнёзды")

Янка БрыльПтушкі i гнёзды. Сцюдзёны вырай. Аповесць першая

Янка БрыльПтушкі i гнёзды. Гнёзды за дымам. Аповесць другая