Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Клятва каля Вечнага агню

   Юны сябар!
   Ты жывеш на гераічнай зямлі Беларусі, услаўленай у сівых легендах і паданнях, апетай у шматлікіх песнях і паэмах.
   Калі ў хвіліну вялікай небяспекі наша Радзіма паклікала сваіх сыноў і дачок, іх у яе аказалася безліч. Тысячы Гастэлаў і Заслонавых, Кедышкаў і Казінцоў, Казеяў і Партновых, Талашоў і Мінаяў падняліся супраць фашысцкай навалы. Цаной свайго жыцця яны адстаялі родныя гарады і вёскі, заводы і фабрыкі, лясы і рэкі. Адстаялі нашы песні і мары. Адстаялі нашу свабоду, будучыню, наша права на жыццё пад мірным небам.
   Паўсталі на нашай беларускай зямлі велічныя мемарыялы, помнікі, абеліскі. У вялікіх і малых гарадах, у сёлах і вёсках, на скрыжаванні дарог, нават у лясах, у полі сустрэнеш ты іх. Гараць каля іх Вечныя агні славы. Прыходзяць да іх людзі сталага ўзросту і маладыя, воіны, студэнты, вучні. Прыходзяць, каб пакласці жывыя кветкі да падножжа вялікіх і маленькіх помнікаў ды брацкіх магіл. Прыходзяць, каб не забываць імёнаў тых, хто здабыў сваім нашчадкам шчасце мірнага жыцця.
   Праз памяць пра тых, хто загінуў, нясуць іх нашчадкі ганаровую вахту. І гэта не проста вахта. Гэта клятва на вернасць любімай Радзіме, на вернасць гераічным традыцыям герояў мінулай вайны.
(191 слова)

Паводле М. Шыманскага

 

Похожие статьи:

Пераказы, дыктантыШто запомніцца і што захаваецца

Пераказы, дыктантыПамяць

Пераказы, дыктантыХвіліна памяці

Эдуард АкулінЭдуард Акулін - Ёсць памяць генаў, памяць роду...

Анатоль БутэвічАнатоль Бутэвіч - Бунт у каралеўстве Віндаўса Вялікага