Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Зялёная арка

   Аднойчы ноччу падняўся ў лесе моцны вецер. Ён ледзь не вырваў з зямлі маладую бярозку і моцна перагнуў яе цераз сцежку, якая праходзіла побач. Тонкае дрэўца дакранулася зялёнай макаўкай да зямлі, паднялося крыху ды так і засталося стаяць.
   Раніцай ішоў па сцежцы стары лось і, убачыўшы наперадзе бярозку, якая перагарадзіла дарогу, спыніўся. Многа разоў ён праходзіў тут, але такое трапілася яму на вочы ўпершыню. Лось доўга ўглядаўся ў жывую арку, трывожна раздзімаючы ноздры. Нарэшце ён злосна матнуў рагатай галавой, саступіў са сцежкі і абышоў падазронае месца.
   Шэры заяц кудысьці бег, а перад самай бярозкай ён раптам спыніўся, стаў слупком, павадзіў доўгімі вушамі. Не пайшоў касы пад бярозку, а таксама абмінуў бокам дрэўца. І лісічка-сястрычка не адважылася пад лясной аркай прайсці, хоць лічыла сябе тут гаспадыняй.
   Толькі начны птах не адступіў ад свайго маршруту. Месячнымі начамі лётаў ён у сонным лесе і, склаўшы крылы, смела ныраў пад зялёную арку над сцежкай.
(150 слоў)

Паводле Р. Ігнаценкі

 

Похожие статьи:

Рыгор ІгнаценкаРыгор Ігнаценка - Дупляначка

Рыгор ІгнаценкаРыгор Ігнаценка - Вясна ідзе

Рыгор ІгнаценкаРыгор Ігнаценка - Ягады пад снегам

Рыгор ІгнаценкаРыгор Ігнаценка - Грыбнік

Рыгор ІгнаценкаРыгор Ігнаценка - Ганарлівая птушка