Найти на сайте: параметры поиска

Увага!!! Невялікія апавяданні і вершы пададзены ў поўным варыянце.

Набыць беларускія кнігі можна на сайце halijafy.by

  Калі верш не бачны на экране смартфона, павярніце экран гарызантальна

Если стихотворение не отображается на экране смарфона, раверните экран горизонтально.



Дальва

   Ціха ступаючы паміж камянёў, я спусціўся ў лагчыну. Тут раслі, нахіліўшыся, некалькі алешын, а над імі ўзвышалася кучаравая чаромха. Побач струменіла крынічка. Я апусціўся да крынічкі, прыпаў вуснамі да празрыстай сцюдзёнай вады. Падняўшыся, убачыў на недалёкім пагорку абгароджаны высокі камень і пры ім абеліск.
   У гэтых мясцінах нярэдка можна сустрэць такія камяні і абеліскі помнікі партызанам і воінам, што не пашкадавалі свайго жыцця ў барацьбе з фашыстамі. Амаль усюды яны стаяць пры дарогах, на скрыжаванні шляхоў, у людных мясцінах. А гэты помнік быў у глыбінных лясных нетрах, на маўклівай паляне. Сціплы і просты, ён сведчыў пра тое, што на гэтай зямлі была калісьці вёска Дальва. Гэтую вёску разам з усімі жыхарамі спалілі фашысты. Пад званамі Хатыні на чорных плітах побач з імёнамі іншых ахвяр нашай зямлі высечана і яе пакутнае імя.
(132 словы)

Паводле К. Кірэенкі.