Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Беларускі ручнік

   Беларускі ручнік адносіцца да тых прадметаў мастацтва, якія належаць і мінуламу, і сучаснасці. Па-ранейшаму ручнік абавязкова прысутнічае ў найбольш важныя, пераломныя этапы жыцця чалавека. Мы бачым падоўжаны кавалак узорыстай тканіны там, дзе святкуюць радзіны, вяселле і ўваходзіны, сустракаем яго і на провадах у апошні шлях. Без яго не абыходзіцца зараз ніводная больш-менш значная выстава народнага мастацтва, бо менавіта ручнік з найбольшай яркасцю ўвасабляе нацыянальныя рысы арнаментальнага мастацтва, высокае майстэрства ткацтва, вышыўкі і вязання.
   Шмат стагоддзяў карыстаюцца беларусы ручніком. Ткуць і расшываюць яго і сёння, працягваючы ўдасканальваць прыгажосць, над якой працавала мноства папярэдніх пакаленняў. Кожнае з іх, спасцігаючы законы аздаблення тканіны, асэнсоўвала і складвала ў адзіную скарбонку разуменне ручніковага дэкору і яго асаблівасцей, тэхнічных прыёмаў, найлепшых каляровых спалучэнняў. З часам адточваліся характэрныя адзнакі традыцыйнага аздаблення беларускага ручніка. Фарміраваўся канон, у рамках якога праходзілі далейшыя творчыя пошукі. Канон гэты ніколі не абмяжоўваў ткачыху, вышывальшчыцу, а дазваляў і нават прапаноўваў увасабляць у ім свой характар, пачуцці, настрой, сваё адчуванне хараства, дэманстраваць рамесніцкую дасканаласць.
   Так ствараўся ручнік – выраб калектыўнай працы і індывідуальнага імкнення, традыцыйнага і заўсёды новага мастацтва. І кожны раз ткачыха, беручыся за справу, спадзявалася, што палатно атрымаецца не горшае, як у людзей, а калі ўдасца, то і трошкі лепшае.
(199 слоў)

Паводле В. Фадзеевай

 

Похожие статьи:

Пераказы, дыктантыПовязь часоў – беларускі ручнік

Авяр’ян ДзеружынскіАвяр’ян Дзеружынскі - Наш беларускі ручнік

Аляксей ПысінАляксей Пысін - Ручнікі

Пераказы, дыктантыРучнік у вясельных абрадах

Максім ТанкМаксім Танк - Расшытае крыжыкамі