Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Ручнік у вясельных абрадах

   Сярод ільняных вырабаў традыцыйнага беларускага ткацтва варты ўвагі ручнік.
   Цікавасць да гэтай рэчы выклікана не толькі функцыяй ручніка ва ўпрыгожанні інтэр’ера хаты, але і яго роляй у беларускіх абрадах.
   Шырока выкарыстоўваўся ручнік у вясельных абрадах. Падрыхтаваныя ў якасці падарункаў ручнікі мелі прэстыжнае значэнне, бо яны з’яўляліся лепшым доказам здольнасці нявесты ткаць і апранаць сям’ю. Ручнікі дарылі не ўсім родзічам маладога, а пераважна мужчынам: маладому, яго бацьку, свату і іншым вясельным чынам.
   Ручніком карысталіся ў час абраду звязвання нявесты і жаніха на вянчанні, што сімвалізавала адзінства маладых.
   Тыповым было ўжыванне ручніка ў якасці падножніка, на які станавіліся маладыя ў час вянчання. Адыходзячы, нявеста старалася цягнуць за сабой і ручнік. Гэта было прыметай таго, што сяброўкі пацягнуцца за ёю – будуць выходзіць замуж.
   Выкарыстоўваўся ручнік і для абраду абгортвання рук. Маладых урачыста абводзілі ручніком вакол стала, заводзілі за стол.
   Кульмінацыйны момант вяселля – прыезд павянчаных да хаты маладога. Прыезд суправаджаўся своеасаблівай выстаўкай пасагу нявесты. З ручнікоў, абрусаў, пасцілак ствараўся яркі святочны інтэр’ер. Прысутныя прыдзірліва ацэньвалі колькасць і якасць рэчаў, багацце ўзораў.
(171 слова)

(Паводле В. Фадзеевай)

 

Похожие статьи:

Максім ТанкМаксім Танк - Расшытае крыжыкамі

Пераказы, дыктантыБеларускі ручнік

Аляксей ПысінАляксей Пысін - Ручнікі

Авяр’ян ДзеружынскіАвяр’ян Дзеружынскі - Наш беларускі ручнік

Пераказы, дыктантыПовязь часоў – беларускі ручнік