Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Беларуская песня

   Калісьці вельмі даўно жыў на нашай зямлі люты пан. Ад цямна да цямна працавалі на яго людзі, а яму ўсё было мала. Аднойчы ён вырашыў паглядзець, ці хутка скончыцца жніво. Толькі мінуў лес, чуе: гучыць над полем песня. Ды такая жаласлівая, сумная. Прыслухаўся пан да слоў і пачуў: клянуць жнеі пана.
   Страшэнна раз’юшыўся, пачуўшы гэта, пан. Паслаў ён сваіх паслугачоў-аканомаў шукаць, хто склаў песню. Падказалі яны свайму ўладару, што дзесьці ў лесе жыве дзіўны хлопчык-музыка. Няйначай як той хлапчук і склаў песню жнеям.
   Загадаў пан злавіць маладога музыку. Тры дні і тры ночы шукалі панскія слугі хлапчука. Нарэшце здарожыліся, прыселі адпачыць. Раптам чуюць: спявае хтосьці. Шапнуў тут адзін панскі служка другому, што гэта, пэўна, непакорны музыка. Другі запярэчыў яму, што гэта, мабыць, жаўрук у небе звініць.
   А трэці прыпаў вухам да зямлі і кажа:
   – Гэта ж сама зямля спявае!
(141 слова)

Паводле М. Зелянковай.

Похожие статьи:

ВВалачобныя песні

ППесня

Ян ЧачотЯн Чачот - Песні і балады

ВВясельныя песні

ВВосеньскія песні