Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Баравічкі

   На стале з’яўляецца вялікая эмаліраваная міска з белай гарачай бульбай. Жэня нясе на стол гарлач з малаком, а Валодзя старанна наразае мяккі хлеб. Малы Сярожка, седзячы на ложку, цэдзіць малако з вялікага фарфоравага кубка. Маці шэпча малодшаму сыну:
   – Баравічкі на стол не паставілі. Збегай, сынуля.
   Сярожка зрываецца з ложка і бяжыць на кухню. Там ён ляскае посудам, шамаціць папераю і неўзабаве аберуч валачэ на стол літровы слоік. Маці нажом здзірае са слоіка прысохлую накрыўку, адклейвае ад верхніх грыбоў залітую алеем марлю, і першыя баравічкі, малюпасенькія, крамяна-жоўтыя, плывуць са слоіка ў Сярожкаву талерку. Да пахаў сырадою, свежай бульбы, жытняга хлеба далучаюцца пахі лаўровага ліста, гваздзікі, перцу.

(Паводле В. Карамазава)

Похожие статьи:

ПераказыЦёплы грыб

Артур ВольскіАртур Вольскі - Грыбы

Станіслаў ШушкевічСтаніслаў Шушкевіч - Знатныя лісічкі

Рыгор ІгнаценкаРыгор Ігнаценка - Незвычайны грыбнік

ПераказыБаравікі ў хусцінках