Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Ян Чачот - Да мілых мужычкоў

Ды і я вам памагу

Песеньку спяваці,

Ды і я ж між вамі ўзрос

Пры бацьку і маці.

 
І мне Бог на свеце даў

Гора гараваці,

Штобы лепш я вас любіў

І ўмеў спагадаці.

 
Ой, што ж вы напелі тут,

Ды якога дзіва!

Шкода, што на голас ваш

Старонка драмліва.

 
Але як прачнецца з сну

Гэта Дабрадзейка,

Пэўна, будзе слухаць вас

Лепш, як салавейка.

 
Будзем колісь так і мы,

Як тыя гуралі,

Што пан даў ім есць і піць,

Яшчэ й грошы бралі.

 
Трэба толькі слухаць нам

Рады таго татка,

Што то казаў гараваць,

Каб аджыла хатка.

 
Толькі, мусіць, той сынок

Не піў, як мы, водкі,

А то б яму вялеў ён:

Кінь і мёд салодкі.

 
Ой, гаруйма, братцы, мы,

Кіньма горку жлопель,

Што не з жыта гоняць ўжо,

А з аўса, з картопель.

 
Кіньце першы, жонкі, вы,

Мілыя дзяўчаты,

Доля, шчасце зачне жыць,

Дзе цвяроза хата.

 
Благаславіць будзе Бог

Ў каморы, аборы,

І не будзе такі люд

Бяссільны, як хворы.

 
Ой, каб колісь нам дажыць

Да такой паправы,

То запеў бы з вамі я,

Што нам Бог ласкавы!

 

Похожие статьи:

Ян ЧачотЯн Чачот - Яжовыя імяніны

Ян ЧачотЯн Чачот - О ты край мой нешчаслівы...

Ян ЧачотЯн Чачот - Свіцязь

Ян ЧачотЯн Чачот - Паэзія 30-40 гг. ХІХ ст.

Ян ЧачотЯн Чачот - Песні і балады