Янка Золак - Цвет вішні

Цвет вішні бела-ружаваты
Глядзіцца ў нашае вакно
Й нібы гаворыць, што даўно
Вясна ўжо ходзіць каля хаты.
Твае смяюцца вачаняты
I грэюць сэрца мне ізноў.
Цвет вішні бела-ружаваты
Глядзіцца ў нашае вакно.
Жаўрук спявае, як наняты,
Яго ў паднеб’і не відно,
Ды спеў яго такі багаты!
П’яніць мяне, нібы віно,
Цвет вішні бела-ружаваты.

20 красавіка 1992 г.

Похожие статьи:

Янка Золак → Янка Золак - Божа Ўсяўладны

Биографии → Янка Золак

Р → Рандэль

Янка Золак → Янка Золак - Прыйсце

Янка Золак → Янка Золак - Газэла