Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Янка Журба - Усход сонца

Ужо золак заззяў,
Святло льецца ў прастор.
I ачнуўся ад сну –
Ціха шэпчацца бор.

Як кудзеля, туман
Яшчэ вісне ў палях,
I струменіць-плыве
Ад лугоў свежы пах.

Загарэўся агнём
Край усходні нябёс,
I ляцяць на зямлю
Іскры сонечных кос.

I здаецца – ўвесь свет
Яркім сонцам сагрэт.
Сонцу рада зямля –
Шле усмешку-прывет.

Прашумеў вецярок
Па кустах лазняка –
I іскрыцца-гарыць
Залатая рака.

А ўгары – небасхіл
Хараством зіхаціць...
Сонцу яснаму гімн
Безупынна гучыць.

 

Похожие статьи:

Васіль БыкаўВасіль Быкаў - На ўсходзе сонца

Якуб КоласЯкуб Колас - Усход сонца

ПераказыНа ўсходзе сонца

ПераказыГімн жыццю

ПераказыСонца не стаіць на месцы