Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Янка Журба - Коцік

(Паводле народнай песні)


Хлопчык любіць коціка,
Лашчыць ён варкоціка, —

Коцік міл яму.

З ім на двор гуляць ідзе,
Часта малачка дае

Ён сябру свайму.

Ходзіць коцік беленькі,
Хвосцік яго шэранькі,

А бяжыць — стралой.

К хлопцу прытуляецца,
Спінкай выгінаецца,

Хвост яго — дугой.

Як убачыць птушачку,
Хутка шчабятушачку

Хоча ён схапіць:

Вочкі разгараюцца,
Кіпці выпускаюцца,

Ён за ёй бяжыць.

Поўсць яго пушыстая,
Беленькая, чыстая,

Мяккая, як лён.

Мышкі, сцеражыцеся,
Ціха!.. беражыцеся!

Ўміг вас зловіць ён.


1921

 

Похожие статьи:

Максім ТанкМаксім Танк - Бабка і кот

Янка ЖурбаЖыццёвы і творчы шлях Янкі Журбы

Віктар ГардзейВіктар Гардзей - Коцік

ПераказыСучасная казка пра бясстрашнае кацяня

Артур ВольскіАртур Вольскі - Коцік