– Коцік, коцік,
дзе ты быў?
– Я ўсю ноч
мышэй лавіў.
– Коцік, коцік!
– Мяў, мяў, мяў…
– А ці многа
Ты спаймаў?
– Не спаймаў я
аніводнай
і цяпер
сяджу галодны…
– Коцік, коцік,
дзе ты быў?
– Я па беразе
хадзіў.
Сеў ціхутка
пад масток,
лавіў рыбку
за хвасток.
– Коцік, коцік!
– Мяў, мяў, мяў…
– А ці многа
ты спаймаў?
– Не спаймаў я
аніводнай
і цяпер
сяджу галодны…
– Ах, гультай
і абібок!
Ты ўсё выдумаў знарок.
І мышэй
ты не лавіў,
і на рэчку
не хадзіў.
А прачнуўся
на світанку
і злізаў
усю смятанку!
Похожие статьи:
Максім Танк → Максім Танк - Бабка і кот
Янка Журба → Янка Журба - Коцік
Якуб Колас → Якуб Колас - Юрка і кот
Пераказы, дыктанты → Сучасная казка пра бясстрашнае кацяня
Віктар Гардзей → Віктар Гардзей - Коцік
