Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Артур Вольскі - Коцік

– Коцік, коцік,
дзе ты быў?
– Я ўсю ноч
мышэй лавіў.

– Коцік, коцік!
– Мяў, мяў, мяў…
– А ці многа
Ты спаймаў?

– Не спаймаў я
аніводнай
і цяпер
сяджу галодны…

– Коцік, коцік,
дзе ты быў?
– Я па беразе
хадзіў.

Сеў ціхутка
пад масток,
лавіў рыбку
за хвасток.

– Коцік, коцік!
– Мяў, мяў, мяў…
– А ці многа
ты спаймаў?

– Не спаймаў я
аніводнай
і цяпер
сяджу галодны…

– Ах, гультай
і абібок!
Ты ўсё выдумаў знарок.

І мышэй
ты не лавіў,
і на рэчку
не хадзіў.

А прачнуўся
на світанку
і злізаў
усю смятанку!

 

Похожие статьи:

Янка ЖурбаЯнка Журба - Коцік

Якуб КоласЯкуб Колас - Юрка і кот

Максім ТанкМаксім Танк - Бабка і кот

Віктар ГардзейВіктар Гардзей - Коцік

ПераказыСучасная казка пра бясстрашнае кацяня