Якуб Колас - Рак-вусач

Пад карэннямі ракіты
Рак сядзіць, вусач сярдзіты,
З доўгімі вусамі,
З чорнымі вачамі,

Зыркімі, лупатымі,
З лапамі разгатымі,
Шырачэзны ў шыі,
Клешні – во якія!

А як вусам павядзе –
Страшна робіцца ў вадзе!
Рыбкі хвосцікам мяльнуць,
Ды галоўкамі кіўнуць

І хутчэй наўцекача
Ад страшнога вусача.

Похожие статьи:

Пераказы, дыктанты → Рак

Уладзімір Ягоўдзік → Уладзімір Ягоўдзік - Рак

Якуб Колас → Творчасць Якуба Коласа

Мікола Чарняўскі → Мікола Чарняўскі - Ці рака́, ці ра́ка?

Вацлаў Ластоўскі → Вацлаў Ластоўскі - Варона і рак