Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Якуб Колас - Песні зімы

Люблю я зімы з маразамі,
Завеі белыя ў палях,
I снегу скрып пад палазамі,
I ціш зімовую ў лясах.

Люблю я ветру спеў гаротны
Ў сялянскіх комінах пустых,
На полі белыя палотны –
Абрусы хмарак снегавых,

Што засцілаюць лугавіны
I далі ціхія палёў.
Мне любы елкі і хваіны
Пад белай посцілкай снягоў.

У гэтых з’явішчах свабодных,
У тых малюнках халадоў
Так многа песень, сэрцу родных,
Адбіткаў мілых мне гадоў.

 

Похожие статьи:

ВВосеньскія песні

ВВалачобныя песні

ППесня

Ян ЧачотЯн Чачот - Песні і балады

ВВясельныя песні