Язэп Пушча - Мора

З узнятаю рукой да сонца
Я на скале марской стаю.
Люблю цябе я шчыра, моцна,
Як песню першую сваю.

Не ведаюць плыўцы пакоры,
Калі ідуць у смелы рэйд.
Люблю бязмежныя прасторы,
Адвечны гул тваіх легенд.

Ўздымаюцца валы высока
I хочуць падхапіць мяне.
Расправіў крылы вольны сокал
Са мной на сонечнай скале.

1955 г.

Похожие статьи:

Язэп Пушча → Язэп Пушча - На возеры

Биографии → Язэп Пушча

Язэп Пушча → Язэп Пушча - Раніца

Язэп Пушча → Язэп Пушча - Сяўба

Язэп Пушча → Язэп Пушча - Раніцу шчэбет пільнуе ...