Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Эдуард Валасевіч - Шпунт

У кожнага сваё прызванне:
Хто сее хлеб, хто варыць сталь,
Хто новыя ўздымае рыштаванні,
Хто песняй кліча нас удаль!
А ёсць каторы...
(Тут байку трэба пачынаць...)
...Ён не хапае з неба зорак:
Умее прыслужыць, умее памаўчаць,
Умее ўсміхнуцца ветліва, лагодна,
Паведаміць начальству першым радасную навіну,
Сагнецца у дугу прад ім ахвотна,
А сябру у бядзе дасць кухталя ў спіну...
Шматгранны талент! Проста цудадзейны!
То голас грубы, то салодзенька-ялейны...
Заўсёды быць імкнецца на віду,
Калі яму то выгадна, вядома.
Ніколі не палезе першым у ваду,
Аднак параіць, як сігнуць другому...
І хоць тыпаж мінулых ён фармацый,
Учэпіста трымаецца за грунт.

Хто ён такі? Не цяжка здагадацца –
Пад бочку кожную гатовы шпунт!

 

Похожие статьи:

Эдуард ВаласевічЭдуард Валасевіч - Арэх і Жаба

Эдуард ВаласевічЭдуард Валасевіч - Кот і Вожык

Эдуард ВаласевічЭдуард Валасевіч - Сонца і Певень

Эдуард ВаласевічЭдуард Валасевіч - Мітрафан і дэльтаплан

Эдуард ВаласевічЭдуард Валасевіч - Шчупак і Плотка