Найти на сайте: параметры поиска

Увага!!! Невялікія апавяданні і вершы пададзены ў поўным варыянце.



Эдзі Агняцвет - Беражы зямлю і неба!

Нам цёпла у свеце дабрыні:
Тут сонца матчынай усмешкі,
Аблокі у сіняй вышыні,
Мурашніка жывыя сцежкі.

І хто ж не любіць ясных дзён?
Спявае жаваранак шчыра,
Званок вясны усім чуцён.
Мы – дзеці дружбы, мы – дзеці Міру!

Іскрыцца колерамі свет
Вясёлак, берасцянак, мяты.
…Ды у кожным доме ёсць партрэт
Забітага вайной салдата.

І просяць дзеці ўсёй зямлі,
Алесі, Патрыкі, Індзіры,
Каб людзі неба збераглі.
Мы – дзеці дружбы, мы – дзеці Міру!

І самі будзем берагчы
І кожны кут, і кожны лісцік –
Ад цемры вечнае начы,
Адкуль няма нікому выйсця.

Няхай збіраюць пчолы мёд,
Вінтоўкі будуць толькі ў ціры!
Сябры, ідзіце у карагод!
Мы – дзеці дружбы,мы – дзеці Міру!

Похожие статьи:

Якуб КоласНовая зямля - Пытанні да раздзела "Вечарамі"

Якуб КоласНовая зямля - Пытанні да раздзела "Падгляд пчол"

Якуб КоласНовая зямля. Пытанні да раздзелаў "За сталом і "На першай гаспадарцы"

Якуб КоласПаэма «Новая зямля» — мастацкая энцыклапедыя жыцця беларускага сялянства

Якуб КоласДухоўнае багацце чалавека ў паэме «Новая зямля»