Я не забуду ніколі
Сшыткі, пеналы, буквар,
Першыя радасці ў школе,
Першай настаўніцы твар.
Я не забуду ніколі
Рукі яе, што вялі
Нас, як па роднаму полю,
Па неабсяжнай зямлі.
Я не забуду ніколі
Ясных і добрых вачэй.
Можа, ад іх наваколле
Стала шырэй і ярчэй.
Першай настаўніцы словы,
Дзе мне не здарыцца быць,
Так, як і матчыну мову,
Нельга ніколі забыць.
Похожие статьи:
Васіль Жуковіч → Васіль Жуковіч - Першая настаўніца
Эдзі Агняцвет → Эдзі Агняцвет - Твая настаўніца
Пераказы → Пах грыбоў
Васіль Вітка → Васіль Вітка - Свята настаўніцы
Пераказы → Свята настаўніцы